“KKK”
Kailan kaya mamumukadkad ang dahon
Kailan magniningning ang puno
Kailan ngingiti ang pagkakataon
Kailan magmamahal ang gamu-gamo
Kapag sunog na ang kanyang pakpak
Kapag buhay wala ng pag-usad
Kapag pangarap ay puno ng sugat
Kapag kinang ay paandap-andap
Kailan magtatagpo ang dahon at alitaptap
Kailan ang mga mata nila mangugusap
Kailan sila magyayakap
Kailan sila sabay na mangangarap
Kapag ang dahon ay namukadkad
Kapag ang alitaptap ay nagliwanag
Kapag langit ay hawak-hawak
At kapag mga kamay ay nagdaop-palad
mabuhay!!!
0 (mga) komento:
Mag-post ng isang Komento